Parêzer Rêzan Epozdemîr, di 10ê Tebaxê di çarçoveya du lêpirsînên cuda yên Serdozgeriya Komarê ya Stenbolê bi sûcdariyên “Bertîl”, “Alîkarîdayîna FETO/PDY” û “sîxûrtiya siyasî û leşkerî” vekiribû de, di serdegirtina malê de hate binçavkirin.
Epozdemîr, piştî karûbarên îfadegirtinê yên li emniyetê, sewqî dozgeriyê hate kirin. Dozgeriyê jî ji ber sûcdariya “Ji bo bertîlê navbeynkarî kiriye” û “bertîl wergirtiye” bi daxwaza girtinê û ji ber sûcdariyên “Agahiyên dewletê yên diviyabû veşarî mabûna bi armanca sîxûrtiya leşkerî û siyasî bi dest xistiye” û “Alîkarî daye FETO/PDYê” bi daxwaza şertê qedexeya derketina derveyî welat sewqî dadgehê kir. Dadgeriya Cezayên Sulhê ya Nobedar jî ji ber sûcê “Ji bo bertîlê navbeynkarî kiriye” biryara girtinê da.
