Fermandariya Giştî ya Hêzên Ewlekariya Hundirîn têkildarî êrişa şaneyên DAIŞê ya duh li gundewarê Dêrazorê hatiye kirin, daxuyaniyek da. Fermandariyê, diyar kir ku di demekê ku metirsiya DAIŞê û çalakiyên şaneyên wê yên terorîst li kantona Dêrazorê zêde dibe de hêzên wan hewlên xwe yên ji bo parastina ewlehî û aramiyê zêde dikin.

Bi domdarî hate destnîşankirin ku şaneyên DAIŞê duh saet di 21.00an de êrişî navenda Hêzên Ewlekariya Hundirîn a li bajarokê Zîbanê yê Kantona Dêrazorê kirine. Hate diyarkirin ku êrişkaran ku motorsîkletan bûn, bi çeka RPGê êrişî navendê kirine û ev agahî hatin parvekirin: “Hêzên me yên li cihê bûyerê bi lez bersiva êrişê da û ti ziyanên li endamên me nebûn. Ji ber zexta bersiva bilez a hêzên me de êrişkar reviyan.”

Di dawiya daxuyaniyê de wiha hate gotin: “Careke din em teqez dikin ku ku hêzên me dê erkê xwe yê welatparêziyê yê parastina ewlehî û aramiyê pêk bînin û têkoşîna li hemberî şaneyên çeteyên DAIŞ’ê û hesabpirsînê ya ji ber sûên wan bidomîne.”