Sereka Pêroyî ya Partîya Şorişgêre Elîf Torun Onerene Îtîfaqê Kede û Azadîye ercna û wina vat: “Waştişê ma çokdayîşê faşîzmî û serkewtişê şaran o. Binê serbanê HDPyî de do têkoşînê ma ser bikewo.”

Sereka Pêroyî ya Partîya Şorişgêre Elîf Torun Onerena ke ANFyî rê qisey kerd, vat ganî vera îqtîdarê faşîstî her kes dormeyê Îtîfaqê Kede û Azadîye de bêro têhet.

Onerene vat: “Rîyê polîtîkaya îqtîdarê faşîstî ra welat de krîz xorî beno û qirkerdişê cinîyan tim zêdîyenê. Zîndanî açarîyayî keyeyanê mergî û estê domanan pê tewrayan dîyenê keyeyanê ci. Hêrişê îşxalî dewam kenê. Seba ke ma nê pêrune rê vajê beso, ganî vera nê îqtîdarî têkoşîn bêro xurtkerdene. Kam ke vera nê îqtîdarî yo ganî cepheyê hemparî de bêro têhet û hêzê xo bikero yew. Nê wird îtîfaqê ke estê nêeşkenê probleman çareser bikerê. Coka ganî vera înan yew hêz bêro raameyene. Îtîfaqê Kede û Azadîye adresê nê yo. Ma ewro zanê ke welat de vîjnayîş bibo zî nêbo zî Îqtîdaro Demokratîk yê şarî esto. No îtîfaq tena pê vîjnayîşî sînordar nîyo, na xetêka têkoşînê hemparî ya. Wird îtîfaqê bînî mergî ramojnenê û kenê ke şarî pê nêweşî razî bikerê. Meseleyê ma tena vîjnayîş nîyo. Waştişê ma çokdayîşê faşîzmî û serkewtişê şaran o. Ma wazenê ke karker, şarê kurdî û heme şarê bindestî, elewî, bawerîyê cîyayî, cinî, ciwan mîyanê azadîye û aştîye de biciwîyê. Binê serbanê HDPyî de do têkoşînê ma ser bikewo.”