Hevserokên Giştî yên Komeleya Hiqûqnasan a ji bo Azadiyê OHD’ê, ji bo ku li Îmraliyê bi Rêberê PKK’ê Abdullah Ocalan û girtiyên din re hevdîtinê bikin serî li Wezareta Dadê dan.
Hevserokên Giştî yên OHD’ê Bunyamîn Şeker û Ayşe Acinikli, ji bo ku li Îmraliyê bi Rêberê PKK’ê Abdullah Ocalan û girtiyên din Omer Hayrî Konar, Hamîlî Yildirim, Veysî Aktaş re hevdîtinê bikin serî li Wezareta Dadê dan. Hevserokan, di serlêdana xwe de bal kişandin ser tecrîd û îzolasyona li ser Ocalan û girtiyên din û destnîşan kirin ku parêzerên wan ji bo ku şertên wan di cih de tespît bikin serî li wan dane. Hevserokan di serlêdana xwe de ji wezaretê xwestin ku destûr ji wan re bê dayîn da biçin Îmraliyê û şertên çûndinê ji wan re bên avakirin.
