Serekê Konfederasyonê Sendîkayan ê Skoçya Mike Arnottî dîyar kerd ke Abdullah Ocalan mefteyê çareserî yo û wina vat: “Seba aştî û aramîye adresê çareserîye Abdullah Ocalan o.”

Konfederasyonê Sendîkayanê Skoçya yo ke Îngilîstan de temsîlkarîya nêm mîlyon karkeran keno, kongreya xo ya 2024î de bire daye ke seba azadîya Serekê PKKyî Abdullah Ocalanî têkoşînî pîl bikero. Serekê Konfederasyonê Sendîkayan ê Skoçya Mike Arnottî ard ziwan ke seba azadîya Serekê PKKyî Abdullah Ocalanî venga hukmatê Îngilîstanî kerdo û vat: “Ma kongreya xo de venga hukmatê Îngilîstanî da ke hînî çekan nêroşo Tirkîya, hêrişanê dewleta tirke yê vera Kurdistanî vindarno û seba azadîya Abdullah Ocalanî tedaya Tirkîya bikero.”

Arnottî dîyar kerd ke ê do seba azadîya Abdullah Ocalanî Wezîrîya Karanê Zereyî ya Îngilîstanî û Sersefîrîya Tirkîya mektuban binusê û vat: “Kongre de azadîya Abdullah Ocalanî û tecrîdê vera ey rojdemê ma yo verên bî. Ma tecrîd nîqaş kerd. Ma bi rayanê pêro delegeyan birê xo girewtî. Abdullah Ocalan mefteyê çareserîye yo. Seba aştî û aramîye adresê çareserîye Abdullah Ocalan o. Ma seba azadîya Ocalanî tim bixebitê.”