Nûrhayat Altûn di sala 2014’an de ji Partiya Demokratîk a Gelan (HDP) weke Hevşaredara Dêrsimê hate hilbijartin. Di 17’ê mijdara 2016’an de li şûna Altun qeyûm hate tayînkirin û hate girtin. Altun, piştî 7 sal û 5 mehan ji Girtîgeha Hejmar 1 a bi Tîpa F a Kocaeliyê tehliye bû. Xizmê Altûn û aktîvîstên Tevgera Jinên Azad (TJA), endam û rêveberên Komeleya Piştgirî û Piştevaniya bi Malbatên Girtî û Hikûmxwaran re ya Marmarayê (MATUHAYDER), Partiya Wekhevî û Demokrasiyê ya Gelan (DEM Partî) û Komeleya Hiqûqnasên ji bo Azadiyê (OHD), Nûrhayat Altûn li pêş girtigehê pêşwazî kirin.
Malbat û hevalên Altûn, ew bi çepik, tililî û çîçekan pêşwazî kir. Altûn, li pêş girtîgehê got: “Tiştekî xweş e mirov li derve be lê dilê min bi hevalên min re ye. Parçeyeke dilê min hêj li hundir e. Ruhê me her tim û li her derê azad e.”
Altûn tevî malbat û hevalên xwe ber bi Enqereyê ve derketin rê.
