Navenda Ragihandin û Çapemeniyê ya Hêzên Parastina Gel (HPG) diyar kir ku li Avaşîn û Zapê di çalakiyên gerîlayan de 29 leşker hatin cezakirin û  10 leşker jî birîndar bûn. NRÇ’ê anî ziman ku 3 helîkopter jî derb xwarine.

Navenda Ragihandin û Çapemeniyê ya HPG’ê anî ziman ku hêzen wan li Avaşîn û Zapê her der kirine qada berxwedanê û derbên giran li leşkeran dixin. NRÇ’ê da zanîn ku hêzên wan li qadên berxwedanê înisiyatîf û kontrolê xistine destê xwe û wiha got: “Hêzên me êrişî dagirkeran dikin. Di van çalakiyan de tiştek bi hêzên me nehatiye û bi ruhê êrişa bilind çalakî hatiye kirin. Di van çalakiyan de 29 dagirker hatine cezakirin, 10 dagirker birîndar bûne, derb li 2 helîkopterên êrişê û li helîkoptereke Skorsky hatiye xistin, droneyek jî hatiye xistin.”