Nobeta Azadîye ya ke 25ê hezîrana 2012î ra nata bajarê Strasbourgî yê Fransa de semedê azadîya Serekê PKKyî Abdullah Ocalanî yena kerdene, hewteyê 642. de ya.

Çalakîya ke her hewte kurdîstanijê ke welatanê cîya cîyayan ê Ewropa ra yenê, rayra benê no hewte hetê koma Parisî ra ameye dewrtirewtene. Kome de Suleyman Kure, Ali Dag, Kamil Akkale û Abdullah Ocalan ca genê.

Suleyman Kureyî ke bi nameyê kome qisey kerd, bale ante tecrîdê giranî yê serê Serekê PKKyî Abdullah Ocalanî ser û vat: “Rayberîye ra çar serrî yo xebere nîna girewtene. Coka şarê kurdî payan ser o. Ganî şarê kurdî yo ke Ewropa de dahîna zaf wayîrê Nobeta Rayberîye bivejîyo.”

Bi nameyê Komîteya Haziriye ya Nobeta Azadîye Zulfu Bingolî zî Komployê 9ê Teşrîna Verêne şermezar kerd û vat: “Eke Rayberîye serbest bêro verdayene û meseleya kurdan bêro çareserkerdene, Tirkîya zî rehet kena. Heta ke Rayberîya ma sey esîrî bêro tepiştene şaro kurd bêveng nêvindeno. Ma do heta azadkerdişê Rayberîye têkoşînê xo bidomnê. Ma 12 serran ra zafêr o ke tîya nobete tepişenê. Heta ke waştişê ma bêro caardene, çalakîya ma do dewam bikera. Ganî şarê kurdî xurt wayîrê prosesî bivejîyo. Ganî ma sey şarê kurdî wayîrê Rayberîye û nasnameyê xo bivejîyê.”