25ê hezîrana 2012î ra nata şaristanê Strasbourgî yê Fransa de seba azadîya Serekê PKKyî Abdullah Ocalanî çalakîya Nobeta Azadîye yena kerdene.

Nobeta ke her hewte yew welatê Ewropa ra komayêke dewr gena hewteyê 627inî de hetê Koma Frankfurtî ra ameye dewrgirewtene.

Yilmaz Şekerlî, Metîn Arslan, Gabar Ronî û Esîr Akkurt yê ke çalakîya nobete rayra benê, veng da Komîteya Vergirewtişê Îşkenceyî (CPT) û dezgehanê bînan ê mîyanneteweyî ke wa vera tecrîdî bêveng nêmanê.

Çalakvanan eşkerayîya xo de vat: ”Hemkarê îşkenceyê tecrîdî yê vera Rayber Apo û heme Kurdistanî mebê. Qanûnanê xo bîyarê ca. Paştdayîşê Erdoganê faşîstî û dewleta ci ya îşxalkere mekerê. Hinî bes o paştî medê sîstemê îşkence û qirkerdişî.”