Nexweşxaneya Florence Nightingaleyê têkildarî rewşa tenduristiyê ya endamê Şandeya Îmraliyê ya DEM Partiyê û Serokwekîlê Meclisê Sirri Sureyya Onder ku tedawiya wî li beşa lênihêrîna awarte didome, daxuyanî da. Di daxuyaniyê de wiha hat gotin, “Tedawiya nexweşê me birêz Sirri Sureyya Onder a li beşa lênihêrîna awarte didome. Rewşa giştî wekî xwe ye, stabîlîteya lênihêrîna awarte di çarçoveya parametreyên duh de wekî xwe didomin. Tedawiya me ya ji hêla înfeksiyon û înflamasyonê ve didome. Rîska li ser nexweşê me zêde ye û metirsiya li ser jiyana wî didome.”