Newroz xoverdayîş a. Newroz xelisyayîş a. Newroz sernewera bîyayîş a. Newroz xoserî ya. Newroz roja newe ya. Newroz coş û xemilnayîş a. Newroz yewbîyayîş a. Newroz birayîye û wayîya. Newroza emserre ya 21’ê Adara Newroza 2025’î qederê şarê kurd dîyar kena. Kila ya Adirê Newroze mizgîn a, xelaya azadî ya. Pîrozkerdişê Newroze emserre fînalê serkewtişî ya. Çareserîya û pêameyiş a.
Mana kokê tarîxê Newroze 4500 serrî ra verê, qabê efsanî ra mîtolojî ra erdo asmin ra çewek çinê bi. Wexto ke çewek çinê bi. Homaya Zervan di gede yê ey yenê ridê dinya. Nameyê yew gedî domanî Hurmuz o, mana Hurmuzî bereket a û roşneyî ya. Gedeyo bîn zî Ehrîman o. Manaya Ehrîmanî zî çîyo xirabe ya û xelaye ya. Hurmuz bi nameyê xo ra qabê temsîlkerdişî ra bi zerî ra weşey ra qabê merhametî ra Zerduştî erşaweno ridê dinya.
Cografya Medya de hînê cuyayiş heram beno.
Zerduşt zî neyê manaya rindî û weşey ra laj û kênaya xo Hurmuz ra xelay keno. Ehrîman zî xeladayişê Hurmuz ra zahf celuyeno û qahrîyeno. Hînê bi se serran ra merdiman ser o xirabey virazyena. Cuyayişê hînê weşey û rindey nêmaneno. Cografya Medya de hînê cuyayiş heram beno. Ehrîman ray ray asmin ra kerra kemeran varneno ray ray zî tolezaka virazeno. Cuyayiş hînê ser o bin beno. Pêro însana ser o zilm virazîyeno.
Ehrîman hînê keder û kîno nefretê xo dejê xo dano însanan. Yew hişo bêderman zî dekeno mezgê Qral Dehaqî, no qral zî şarê Asûrî û Medî ra her wext şarî ra zilm keno. Badî hînê mezgê Dehaqî de yew êşa bêdermanê vejîyena. Qolincanê Qral Dehaqî de di êşî vejîyenê. Nê êşî roj bi roj har benî. Qral bi qabê nêweşîya bêdermanî ra heme zanayan, hekîman, falcîyan ano pêser. Falcî vanê; dermanê na nêweşîye mezgê gedeyan o. Vanê; wa her roj mezgê yew gedî bîyarê êşa Qralî sawê, encax êşa Qralî dejayîşê êşê kemî beno.
No hewa ra zî hînê gedeyî pêyro qir benê. Şarê kurd nê qirkerdişî ra hînê kora beno bê çare manenê, nê qirkerdişê gedeyan ra na ray newbi yena xebatkarê kedkar asinkarê gedeyê Kawayî. Şewa 20 û 21ê yewe Adare ya. Hurmuz zî asmin ra kato hewtin de roşeno.
Kawayê Asinkarî ra. Polê Kawayî ra hêz dano û mezgî ra zî roşneyî dano.
Hurmuz bi zerrî ra Kawayo Asinkar ra camêrdeyî hîsê heskerdişî û aştî ray keno ruhê Kawayê Asinkarî ra. Polê Kawayî ra hêz dano û mezgî ra zî roşneyî dano. Kawayo Asinkar zî gedeyê xo şenik cilanê mîyan ra pêşeno, kewno rayîrê serê koyî û xo reyde çend kesî embazê azadî xo reyde beno. Yew embazî zî bi taybetî ra rayvist keno.
No embazî ra biryarê serewedartişî dano. Kawayo Asinkar çakutê xo gêno dekeno mîyanî cilê gedî, mîyan de limineno. Hînê bi rehet asan şîyeno mîyanê Qesra Dehaqî. Vano; ez gedeyê xo teslîmê Dehaqî kena û Dehaqî ra kurban kena. Şîyeno Qral Dehaqî ver çakutê xo vejeno dano sereyê zalîm Dehaqî ra. Sereyê Qralî benê di felqey maneyê ey zî hema ca de kewno verba Kawayî. Kawa zî renganê kesko sur û zerdî rey de munda xora keno beyraqî embaza reyde gala vistişê Saraya Qralî keno. Dêsî şikîyenê cira benê.
Sîmgeyê Azadî ra adir vekenê. Adirê 21’ê Adare de kilaya Adirê Newroze berz beno. Na hezar serra ke Adirê Newroze veşeno. Her netewe de yew roja teybetî esta. Ê şarê kurdan zî 21ê Adare roja Roşanê Neteweya Kurdan a. Kawayê Asinkarî yê Hemdem Mazlum Dogan hîrê çupê kibrîtî ra kilaya Adirê Newroze verba îhanetî, verba teslîmgirotişî ra xo can feda keno. Bi mana raştî ra hînê pîrozkerdişê Newroze heyana ewro zahf bedelî day. Ewro pîrozkerdişê Newroze serdestan bi rewşa fermîkerdiş ra qebul kerdo. Hînê ganî enkaray pey rojê 21ê Adarê Newroze bibo rojê betlaneyo.
Newroza Emserre zî sewbîna ya. Newroza 2025 bena fînalê şarê kurdana. Newroza emserrî bibo wesîleyê aştî û demokrasi.
Newroza şarê ma bibarek bo.
