Newroz îsal dê bi dirûşmeya “Dem dema serkeftinê ye” li 62 navendan bê pîrozkirin. Agirê Newroza îsal dê rojeva “Azadî ji bo Ocalan” li Bêşebabê bê vêxistin.
Newroza îsal dê bi dirûşmeya “Dema dema serkeftinê ye” bê pîrozkirin. Starta pîrozbahiyên dê di 10’ê Adarê de li Amedê bi pêşengiya Kongreya Civaka Demokratîk (KCD), Kongreya Demokratîk a Gelan (HDK), Tevgera Jinên Azad (TJA) û Partiya Demokratîk a Gelan (DBP) bi deklarasyonekê bê dayîn. Deklarasyon dê bi pêşengiya KCD, TJA, DBP, HDP û bi beşdarbûna partiyên di nava Xebata Tifaqa Kurdistanî de cih digirin bê aşkerekirin. Di 11’ê Adarê de jî dê li Stenbolê bi pêşengiya HDK û HDP’ê bi beşdarbûna partiyên çep, sosyalîst û rêxistinên demokratîk deklarasyon bê aşkerekirin. Agirê Newrozê dê 29 jê bajar li 62 navendan bê vêxistin.
Rojev azadiya Ocalan e
Rojeva sereke ya Newroza 2022’yan dê tecrîda li Îmraliyê û azadiya Rêberê PKK’ê Abdullah Ocalan be. Dê di pîrozbahiyan de girîngiya yekîtiya neteweyî, berxwedana li dijî êrişên ji 23’yê Nîsana 2021’ê ve li Herêma Kurdistana Federe didomin, berdana girtiyên nexweş û girtiyên înfazên wan hatine şewitandin, têkoşîna li dijî krîza aborî û xizaniyê bê destnîşankirin.
Agirê ewil dê li quntara çiyayê Kato bê vêxistin
Agirê Newroza îsal dê di 15’ê Adarê de ewilî li navçeya Eykê ya Şirnexê bê vêxistin. Piştî 15’ê Adarê dê agirê Newrozê li her bajarî bê vêxistin û pîrozkirin.
Îsal ji Rojhilata Navîn û Ewropayê ji gelek welatan 200 kes, nûnerên partiyên siyasî û rêxistinên civaka sivîl jî bên vexwandin. Ji Herêma Kurdistana Federe û Bakur û Rojhilatê Sûriyeyê jî dê gelek kes, nûnerên partiyên siyasî û rêxistinên civaka sivîl bên vexwandin.
Agirê mezin dê li Amed, Wan, Êlih û Stenbolê bê pêxistin
Pîrozbahiyên girseyî dê di 19’ê Adarê de dest pê bikin. Pîrozbahî dê di 20’ê Adarê de li Wan û Stenbolê bidomin û fînala wê jî dê i 21’ê Adarê de li Amedê bê kirin.
Hevserokê KCD’ê Berdan Ozturk, Heveroka Giştî ya DBP’ê Salîha Aydenîz, Berdevka HDP’ê Ebrû Gunay û parlementer dê tevli pîrozbahiya Newrozê ya li Elkê bibin. Hevberdevka HDK’ê Esengul Demîr, Hevserokê Giştî yê HDP’ê Mîthat Sancar û hunermend Koma Sorjiyan, Grup Vardiya, Huriye û Xero Abbas tevli pîrozbahiya Newrozê ya li Stenbolê bibin. Hevberdevkê HDK’ê Cengîz Çîçek û Hevseroka Giştî ya DBP’ê Salîha Aydenîz jî dê tevli pîrozbahiya Newrozê ya Îzmîrê bibin.
Newroza herî girseyî dê li Amedê bê pîrozkirin
Fînala pîrozbahiyê dê di 21’ê Adarê de li Amedê be. Hevserokê KCD’ê Berdan Ozturk, Hevseroka Giştî ya HDP’ê Pervîn Bûldan, li ser navê Xebatên Tifaqa Kurdî Serokê Giştî yê Partiya Azadiyê Ayetûllah Aşitî û hunermend Rojda, Azad Bedran, Servet Kocakaya, Kazo û Elenora tevli pîrozbahiya Newroza Amedê bibin.
Hevserokê Giştî yê DBP’ê Keskîn Bayindir û hunermend Şerzad, Pinar Aydinlar, Lawje û Şiyar Berwarî jî dê di 21’ê Adarê de tevli pîrozbahiya Newrozê ya li Cizîrê bibin.
Newroza îsal dê li van navendan bê pîrozkirin:
15 Adar
Elk
17 Adar
Erdîş
19 Adar
Bismil, Çêrmûg, Hezro,
Dersim,
Qereqoçan,
Kerboranî Artûklû,
Şirnex,
Basan,
Qileban,
Pirsûs,
Aydin Germencîk, Nazîllî û Soke
Gebze
Mêrsîn
Panos
Îdir
Mûş
Konya Cihanbeylî
20 Adar
Stenbol
Wan
Semsûr
Farqîn
Çinar
Erxenî
Dîlok
Êlih
Çewlig
Xarpêt
Meletî Yeşîlyûrt
Elbîstan
Dêrik
Qoser
Stewrê
Silopiya
Riha
Aydin
Kepez
Bodrûm
Îzmîr
Denîzlî
Manîsa
Balikesîr Bandirma û Ayvalik
Bûrsa
Çanakkale
Edîrne
Çorlû
Edene
Hatay Dortyol û Îskenderûn
Osmaniye
Eskîşehîr
Bazîd
Tetwan
Colemêrg
Kop
Konya Kûlû
Enqere
21 Adar
Amed
Nisêbîn
Sêrt
Cizîr
Hezex
Wêranşar
Ceyhan
Agirî
Erdexan
Tekman
Gever
Qers
Konya
