Tepişteyo nêweş Gurbuz Topçu seba protezê çimî sewqê zîndanê Sîncanî bî, la hîrê nêweşxaneyan tedawîya ey nêkerde.

Gurbuz Topçu seba protezê çimî Zîndanê Bodrumî ra sewqê Zîndanê Sîncanî yê Anqara amebî kerdene. Tepişteyo nêweş hêverî sewqê Nêweşxaneyê Etlîkî yê Anqara ame kerdene la bi bahaneya ‘rewşa ey seba protezî musbet nîya’ ame açarnayene.

Dima o sewqê Nêweşxaneyê Bîlkentî ame kerdene la reyna bi heman bahane tedawîya ci nêameye kerdene. Naye ser o Topçu sewqê Nêweşxaneyê Fakulteya Tibî ya Zanîngehê Anqara ame kerdene, la Topçu reyna nêame tedawîkerdene û erşawîya Zîndanê Sîncanî.

Goreyê avûkatan Topçu seba ke Zîndanê Sîncanî hûmaritişê payan ser qebul nêkerdo ame dekerdene hucreyê yewkesî. Avûkatan dîyar kerd ke Topçuyî waşto ke reyna şoro Zîndanê Bodrumî, la waştişê ci nêameyo qebulkerdene.

Dîya zanayene ke Topçu 3yê tebaxe ra nata teyna şino sohbetan û kitab zî nêdîyeno ci.