Rixmo ke nêweşîya tepişte Ferzende Elbîyî giranêr bena, vera nêdîyeno.

Birayê Elbîyî Halît Elbîyî rewşa birayê xo ser o qisey kerd. Halît Elbîyî pare kerd ke birayê ci de fitiq, tansîyon, rijîyayîşê gonîye ûsn. zaf nêweşîyî est ê.

Elbîyî vat: “Ma çend reyî muracatê Wezîrîya Edaletî kerd ke wa birayê mi vera bidîyo û tedawî bibo. Birayê mi seba xebatanê xo yê prosesê aştîye ra tepişîya. O bi hawayêkê edîlaneyî nêame muhakemekerdene.”

Parlamenterê Îdirî yê HEDEPî Yilmaz Hunî zî derheqê rewşa Ferzende Elbîyî de vernîyazêk da Wezîrîya Edaletî. Hunî ANFyî rê qisey kerd û îfade kerd ke rewşa Elbîyî xirab a û vat: “Dezgehê Tipê Edlîyî raporê ‘eşkeno zîndan de bimano’ dayo ci. Ma muracatê pêro dezgehan û Wezîrîya Edaletî kerd. Ma waşt ke mîyanê nê şertan de o zîndan de nêmano. Ma pabeyê muracatanê xo yê.”