Nevzat Ozturko ke 31 serrî yo zîndan de tepişîyeno, bîlasebeb nêno serbest veradayene.
Hetê Mehkemeya Asayîşî ya Dewlete (DGM) ra bi îdîaya “xeripnayîşê yewîya dewlete” cezaya muebetî dîyayê Nevzat Ozturko ke 1991 de ame tepiştene.
Ozturko ke 31 serrî yo zîndan de yo nê demî de panc zîndanan rê ame surgunkerdene û nika Zîndanê Qefilnayeyî yê Tîpê Fyî yê Bolu de yo. Rixmo ke cezaya tepişteyê nêweşî 23ê hezîrane de qedîyaye, bi raporê Heyetê Çimdarî û Îdareyî yê Zîndanî tehlîyekerdişê ci hîrê aşmî ame peydeeştene. Bi sebebê “zaf elektrîk şuxulnayo” û “Kitabxaneyê Zîndanî de zaf kitabî nêwendî” tehlîyekerdişê ci ame peydeeştene.
Keyeyê Ozturkî ke Almanya de ciwîyeno semedê serbestveradayîşê ey kampanyaya îmzayan daye destpêkerdene.
