Bi hezarankes bi dirûşmeya “Qeyûm talan e, berxwedan jiyan e” Ji Parka Ataturk heta Parka Gulistanê meşiyan. Girseya ku di navde Hevserokên DBP’ê û hevşaredar jî hene, piştî astengiya leşkeran derbas kirin, dest bi meşê kir.
Heyeta ku di navde Hevserokên DBP’ê Çîgdem Kiliçgun Uçar, Keskin Bayindir û Hevşaredarên Bajarê Mezin ên Amed û Wanê jî hene, xwestin biçin Êlihê. Lê leşkeran li pêş Qereqola Sinan a ser rêya Êlihê rê li pêş heyetê girt û destûr neda ku heyet biçe Êlihê. Li ser vê yekê siyasetmedar û hilbijêran li dijî astengiya cendermeyan li ser rê dest bi çalakiya rûniştinê kirin. Piştî çalakiyê girseyê dest bi meşê kir û astengiya leşkeran şikad. Girseya ku li Parka Ataturk a ÊLihê kom bû ji wir dest bi meşê kirin. Girse bi dirûşmeyên “Qeyûm talan e, berxwedan jiyan e”, “Batman dimeşe, erd û ezman diheje”, “Bijî berxwedana zindanan”, “Êlih ranezê li vîna xwe xwedî derkeve”, “Jin Jiyan Azadî” û “Bijî berxwedana Êlihê” berz dikin û dimeşin Parka Gulistanê. Girse piştî gihişt Parka Gulistanê li vir kom bûn, li ber stranan govend gerand.
Hevseroka DEM Partiyê Songul Korkmaz xêrhatina her kesî kir û her kes silav kir.
Qeyûm dixwaze dengê jinan tune bike
Nûnerên Platforma Jinan ên Edeneyê axivîn û piştgiriya gelê Edeneyê parve kirin. Anîn ziman ku qeyûm berî her tiştî dixwaze vîn û dengê jinê tune bike û jiber vê yekê ew li dijî qeyûm in. Jinan anîn ziman ku qedexe, kedxwarî û tundî hemû encama hişmendiya qeyûm in. Destnîşan kirin ku Hevşaredara Êlihê Gulistan Sonuk vîna el û dayikan e. Ew vîna hemû jinên li Îran, Iraq, Sûriyeû her derê dibêjin “Jin Jiyan Azadî” ye. Hemû jin li ÊLihê li pişt Gulistan Doku ye.”
Êdî gel li qadan e
Hevşaredara Bajarê Mezin a Wanê û Hevseroka Yekîtiya Şaredariyan (GABB) Neslihan Sedal jî axivî û wiha got: Silav û rêz. Ez li ser navê GABB’ê hemû gelê Êlihê silav dikim. Ez di serî de berxwedana dayikên serhildêr silav dikim. Ew kesên teşebusî vîna gel dikin, bila zanibin ku îro li ser vê axê gelek ciwanên berxwedêr hatine dine û li dijî qeyûman li ber xwe didin. Ew kîne ku dest dînin ser vîna me? Ew kîne ku curet dikin derdikevin? Berteka herî mezin îro li vê qadê bi pêşengiya jin û ciwan tê dayîn. Ew çiqas şerê taybet li ser vê axê bimeşînin jî dê nikaribin bi ser bikevin.
Vîna gel dê bi ser bikeve
Bi salan e li ser vê axê polîtîkayêm qirêj tên meşandin. Li ser vê axê polîtîkayêm şerê taybet tê meşandin. Lê dîsa bi coş, vîn û biryareke mezin bersîva herî xurt li dijî van polîtîkayan tên dayîn. Bi salan bi destê hîzbûllahê jin û gel tên qetilkirin. Lê bersîva vê yekê berxwedana jinên a li vê qadê ye. Heta niha we 3 caran ceriband, we disa winda kir. Lê vê carê hûnê nikaribin teşebus bikin. Êdi gel li qadan e. Em dibêjin dest ji van polîtîkayên qirêj û rejîmê qeyûm berdin. Hûn roj bi roj xwînê winda dikin. Hûnê paşve biçin û gelê Êlihê bi ser bikeve.
Em ê van qadan bernedin
Heta em şaredariyên xwe bi bi dest bixin, em ê van qadan bernedin û heta dawî li ber xwe bidnin. Ev şaredarî ya gelan, ya jinan û ya ciwan e. heta ev qemûm neçin ev polîtîkayên wan bi dawî nabin. Heta em şaredariyên xwe rizgar bikin em ê bajarê xwe jî azad bikin. Em soz didin heta em şaredariyên xwe azad nekin em dest ji têkoşîna xwe bernedin.
Batman qada berxwedanê ye
Hevşaredarê Bajarê Mezin ê Amedê Dogan Hatun jî li qadê axivî û wiha got: Qada Batmanê qada berxwedanê ye. Hevalên me gelek gotinan dibêjin. Lê yên van gotinan bibhîzin tune ne. Hûn bi leşkerên xwe tên pêşberî me. Batman ne tenê îro li ber xwe dide. Batman 40 sal in ji bo ziman, nasname û vîna xwe li ber xwe didin. Gelê Êlihê vîna vî bajarî ye. Divê hûn vîna van bajaran nas bikin û hurmetê nîşan bidin. Ev vîn mafdar e û xwediyê vê axê ye. Îro hemû gelê kurd û Kurdistanê li qadan li ber xwe dide.”
