Deryayê Ege de keştîya multecîyan a ke cumê awe bîbî de 5 kesî merdî, la goreyê îdîayan Asayîşê Qeraxan ê Tirkîya qestî destkarîye nêkerde.
Vizêr keştîya multecîyan Deryayê Ege de cumê awe bibî û tede 4ê ci domanî 5 kesan dinyaya xo bedilnabî.
Vervatoxê Asayîşê Qeraxan ê Yewnanîstanî Nikos Alexiouyî dîyar kerd ke keştîye de lajekê 8 serrî, kênayanê 14 serre û 8 serrî û dergûşêkê 11 mengî dinyaya xo bedilnaya. Goreyê xebera Euronewsî Alexiouyî da zanayene ke keştîye mîyanê deryayê Tirkîya de cumê awe bîya la Asayîşê Qeraxanê Tirkîya xîret nêkerd ke multecîyan bixelisno. Alexiouyî îdîa kerd ke dewrîyeya Yewnanîstanî 18 multecîyî xelisnayê.
Ame parekerdene ke multecîyê birîndarî wedarîyayî nêweşxaneyî.
