Platforma Jinên Rojnameger ên Mezopotamyayê (MKGP) û Komeleya Rojnamegeran a Dîcle Firatê (DFG) serdana şîna rojnamevan û kedkarê çapemeniya azad Seyît Evran ku li Bakûr û Rojhilatê Suriyeyê li nexweşxaneyê jiyana xwe ji dest da, kirin. Malbatê li mala xwe ya li Taxa Merkez a navçeya Hênê ya Amedê şîn danî. Malbat û xizmên Evran şandeya DFG’ê û MKGP’ê pêşwazî kirin. Şandeyê li cihê şînê sersaxî ji malbatê re xwestin û piştgiriya xwe anîn ziman. Dê şîna Evran sibê û du sibe jî berdewam bike.
Polîsan nehiştibû ku malbat li Mala Şînê, şîna xwe dînin û mêvanan qebûl bikin. Li aliyê din polîs li kolanên ku diçin cihê şînê disekinin û kesên diçin şînê di GBT’yê re derbas dikin.
