Di 20’ê tebaxê de li navçeya Dêrikê ya Mêrdînê, du TIR’ên Holdînga Cengîz a ji Tesîsên Etî Bakirê derketibûn li navenda navçeyê qeza kiribûn û li gelek wesayît û welatiyan qelibîbûn. Di qezayê de 21 kesan jiyana xwe ji dest dabû. Derket holê ku piştî vê qezayê Midurê Emniyetê yê Dêrikê Hasan Korkmaz bi awayekî bêdeng vekişandine navendê. Li şûna Korkmaz peywirdarkirineke demkî hatiye kirin.
Di qezayê de îhmalên emniyet û qaymeqamiyê derketibûn holê. Ji ber ku polisan piştî qezaya yekemîn bergiriyan negirtibûn qezaya duyemîn pêk hatibû û encamên qezayê giran bûbûn. Li gorî rapoan di qezaya yekemîn d 2 kes di qezaya duyemîn de jî 19 kesan jiyana xwe ji dest daye.
