Desthilata Mexribê (Fas) ragihand ku wê planeke mezin a çeteyên DAIŞê têk biriye û da zanîn ku plan ji aliyê serçeteyê DAIŞê yê li herêma Perava Afrîkayê hatibû sazkirin.

Ajansa Nûçeyan a Mexribê têkildarî mijarê ragihand ku “planeke terorî ya gelek xeternak a li dijî welat” hatiye têkbirin û ev agahî parve kirin: “Di çarçoveya operasyoneke ewlehiyê ya baldar a hêzên ewlehiya Mexribê de, li taxên Iyûn, Dar El Beyda, Fas, Tawnat, Tence, Ezmûr, Cirsêf, Welad Tayma, Tamsna yên paytext Rîbatê de 12 çeteyên DAIŞê hatin destgîrkirin.”