Samandagê Hatayî de xeymê AFADî binê awe de mendî û mexdûrê erdlerzî heqê xo helal nêkenê.

Mexdûran ra Fîlîz Başturke wina vat: “Şilî varaye, xeyme ameye çi hale. Pêro çî-mî ma bî hî latim. Qet selahîyetdarêk nêame hetkarî. Ma tîya têna gelç vejenê. Ma nêzanê ça rabikewê. Hewteyêk verî ma na rewşe ciwîyayî. La qet çareyêk nêame dîyene. Ma rê konteyner lazim o.”

Suleyman Başaranî zî wina îfade kerd: “Înanê ke nê xeymî nayî ro, sucdar ê. Kiştê xeyman mabênê ci ra berzêr ê, coka awe yena zere. Seba ke no sefalet biqedîyo, konteyner hewce keno.”

Şîrîn Daduke zî qisey kerd: “Xora ma şeş tenî zor xeyme de ca danê xo, nika zî varayîşî ra binê awe de mende. Anons kerd vanê firtina de tehlukeyê firdayîşê xeyman esto, zixm bikerê. Ma do senî bikerê? Werîkna konteynerî bibiyênî, ma hende nêqeflîyayênî.”

Sevîm Yatkine zî wina vat: “Eke dewlete destê xo ma rê derg bikerdêne, konteynerê girdî bikerdêne, xeymê ma cayê berzî de ronayêne, wina nêbîyênî. Homa mela nê dejî dişmenê ma medo. Ma merdî, rijîyayî. Ma nêzanî cenazayanê xo rê bibermê, xo rê biqehrîyê, se bikerê.”