Daxuyaniya Mesrûr Barzanî ji aliyê Rêveberiya Hikûmeta Herêma Kurdistanê ve hat parvekirin.
Mesrûr Barzanî, bal kişand metirsiya li ser jiyana sivîlan û got: “Bûyerên li Helebê û hedefgirtina kurdan a ji bo guhertina demografiya herêmê û çêkirina gefê li ser jiyana sivîlan, berpirsên Şamê û wijdanê civaka navneteweyî dixe bin pirsyarê.”
Barzanî diyar kir ku êrişên li ser taxên kurdan ên li Helebê wan dixe nava fikarên mezin û got, “Şer û tundî bi awayekî bingehîn tu pirsgirêk çareser nakin. Divê tu hincet rê nede qirkirina nijadî.”
Serokwezîrê Herêma Kurdistanê, herwiha bang li hemû aliyan kir ku ‘berpirsyariyê bigirin, jiyana sivîlan biparêzin û ji bo çareseriyê tevli diyalogê bibin’ kir.
Barzanî anî ziman ku ew hêvîdar in avasaziya rêveberiya niha ya Sûriyeyê, ji bo hemû gelê Sûriyeyê di asta berpirsyariya rêveberiyeke demokrat û yekgirtî de tevbigere.
