Ewro her çiqas Rayber Apo bi demê dergî ra binê esaretî de yo, ancî zî heme ravêreyîya Kurdistanî, Tirkîya û dinya dîyar keno. Bi cîyayîye zî Rayver Apoyî heyana ewro zî seba pêameyîşî, aştî ra bi rewşa sebirê pêxember Davutî ra xebata xo domnaya.
Na roja 4ê Nîsane de şar verba tecrîtî ra, îmhayî ra, înkarî ra û qirkerdişî ra meşîyeno. Roja 4ê Nîsane wayîrvejîyayîşê keda şehîdan o. Wayîrvejîyayîşê rayvistişê xoverdayîşê îdareyê esasî û demokratîkî yo.
Şaro kurd her serre 4ê Nîsane de seba serrgêra rojbîyayîşê Rayver Apoyî ra meşîyeno Amara. Emser zî bi hezaran reyde heme şaristanan ra şar 4ê Nîsane de vera xo dano Amara û meşîyeno.
Bi taybetî serrgêra 76’ina rojbîyayîşê Rayberê Şarê Kurdî Abdulah Ocalanî zaf muhîm û pîroz a. Her netewebîyayîşê şaran de daîmî yew pêxember, rayver û mesîh vejîyayo.
Tabîî kî ewta de ravêreyîya netewebîyayîşê kurdan nêbîyo û raştî raştî ra kurdî kewtî binê koletîye û bindest bîyê.
Hînê vera bindestî û koletîye, kurdî hînê merdimîya xo ra vejîyayî. No sebeb ra yo ke rol û mîsyonê Rayver Apoyî zaf muhîm o. La ma wexto ke rewşa mîtolojî ra ewnênê, heme pêxemberan mucîzeyî viraştî adeta merdimê merdeyî sernewe ra ganî kerdî. Ewta de rewşa Rayver Apoyî rewşa mîtolojî nîya, bi raştayî ra raşte kurdî sernewe ra ganî kerdî.
Rayver Apo sebirê pêxember Davutî ra xebata xo domnaya.
Ewro zî kurdî wariştî serê linganê kesayetê xo, nasnameyê xo, kurdîya xo, ziwan û kulturê xo sirasnayo û têkoşînê xo ra dewam keno.
Ewro her çiqas Rayber Apo bi demê dergî ra binê esaretî de yo, ancî zî heme ravêreyîya Kurdistanî, Tirkîya û dinya dîyar keno. Bi cîyayîye zî Rayver Apoyî heyana ewro zî seba pêameyîşî, aştî ra bi rewşa sebirê pêxember Davutî ra xebata xo domnaya.
Ewro zî Tirkîya de Rojhelatê Mîyanênî de sîyaset xetimîyaya her wext kaos û alozîye domîyena. Rayverê PKK’yî Abdullah Ocalan 27ê sibate de seba aştî û komelê demokratîkî ra vengdayîş da û no vengdayîş heme çar perçeyanê kurdistanî ra vila bî. Heme kesî nê vengdayîşê Rayver Apoyî ra wayîr vejîyayî û paştî daye. Nê warî de verê verkan heyetê Îmrali û Partîya DEM’î derheqê vengdayîşê Rayver Apoyî de heme cayan de kombîyayîşî viraştî û şarî reyde niqaşî kerdî.
Rixmê qirêjîya çapemenîya tirkan tewr peynî de zî 21ê adare de şarê kurdî ancî bi mîlyonan reyde wayîrê vengdayîşê Rayver Apoyî vejîya. Nê warî de çapemenîya tirkan zaf nîqaşê qirêjî viraştî. Înan vat ke “Vengdayîşê Abdullah Ocalanî ra yewer qebûl nêkeno”. La şaro kurd, heme rêxistinî û têgêrayîşî na rewşa qirêje veng vete. Nê warî de dewleta tirke û çapemenîya qirêje mat mende.
Rayverê PKK’yî Abdullah Ocalan her wext rewşa tarîxî ra rol û mîsyonê xo kay keno. Ewro bi vatişê xo ra destê dewlete ra sîleha înan girote. Dewleta tirke şaş menda ke çi bikero û senî game bierzo. Hewayê her wextî Bahçelî û Erdogan verba çapemenîya xo ra şaş o maş qalî kenê. La hînê şaş o maş zî înan nêxelisneno. Dewleta tirke hînê mecbura ke game bierzo. Nê warî de qet nêeşkenê ke moralê şarê kurdî bixeripnê. Çimkî şaro kurd bawerîya Rayverê xo keno.
Bi rihê Newroze ra rayîrê Amara ra meşîyenê, ciwan û kênekê şarê kurdî vera xo danê rayîrê Amara ra. Rojbîyayîşê Rayver Apoyî rojbîyayîşê heme kurdan o. Şaro kurd ancî bi rihê Newroze ra rayîrê Amara ra meşîyeno û Amara de festîvala azadîye û demokrasî virazeno. Serkewtişê şarê kurdî û azadbîyayîşê Rayverê Şarê Kurdî nizdî yo. Pîroz bo û bimbarek bo rojbîyayîşê Rayver Apoyî.
