Çalakîya ”Edalet û huqûqî bîyarê ca” ya keyeyanê tepişteyan dewam kena. Keyeyan vizêr Anqara de Mudirê Qelema Taybete û Amirê Tetkîkî yê Wezîrîya Edaletî Îrfan Yilmazî de pêvînayîş kerd.

Pêvînayîşî ra dima Merkezê DEM Partî de girseyî eşkerayîye daye. Maya Aştîye Hanîfe Gulmuşe da zanayene ke Wezîrê Edaletî nêwaşt înan de pêvînayîş bikero. Hanîfe Gulmuşe vat: “Ma vat ke heta ke domanê ma hucreyan de tepişte bibê ma zî çalakîya xo rê do dewam bikerê. Domanê ma seba azadîya Abdullah Ocalanî çalakîye de yê û nika pêvînayîşan boykot kenê.”

Maya Aştîye Behîye Yalçine zî vat ke wezîrî pêvînayîş qebul nêkerd. Behîye vat: “Ma hetê tepişteyan de yê û tim hetê înan de bimanê.”

Maya Aştîye Peyruze Kurte vat: “Ma aştîye wazenê. Ma zulmî qebul nêkenê.”