Dêrsim de nuştoxî Mehmet Çetîn û Emiralî Yagan ameyî yadkerdene.
Çarçewa Têhetameyîşê Kultur û Hunerê Dêrsimî de emser yadkerdişo diyin ame kerdene. Xeylê nuştox, hunermend, şaîr, tarîxnas, sîyasemedarê Dêrsimijî tewrê aktîvîte bîyî.
Derheqê cuye û têkoşînê Mehmet Çetîn û Emiralî Yaganî de kilamî ameyî vatene, şîîrî ameyî wandene û vîrî ameyî parekerdene.
Aktîvîte de ziwanê kirmanckî ser o bernameyêk ame viraştene. Bername de şaîr Dogan Munzuroglu, nuştoxe Bedrîye Topac, mamoste Ugur Sermîyan û rojnameyê Xwebûnî ra tarîxnas Îsmet Konakî qisey kerd. Qiseykerdoxan bale ante rewşa ziwanê kirmanckî û seba xelasê ziwanî pêşnîyazê muhîmî kerdî.
