Meclîsê Cinîyan ê HDPyî gerreyê Serekkomarê Tirkîya Recep Tayyîp Erdogano ke cinîyan rê heqaret kerdbi, kerd
Meclîsê Cinîyan ê Partîya Demokratîke ya Şaran (HDP) Edlîyeya Anqara de gerreyê Serekkomarê Tirkîya Recep Tayyîp Erdogano ke cinîyan rê heqaret kerdbi, kerd. Vervatoxa Meclîsê Cinîyan Ayşe Acar Başaran, endamê Koordînasyonê Cinîyan, wekîlê HDPyî pîya şîyî û înan sûcanê ‘heqaret, tehrîk, şar seba sûcî teşwîqkerdiş’ ra gerreyê Erdoganî kerd.
Cinîyan waştişnameyê xo de ard ziwan ke Erdoganî qiseykerdişê xo de vato ‘surtuk’ û bi nê hawayî ‘krîterê têdûştîye’ û ‘qedexeyê cîyakerîye’ binpay kerdo. Cinîyan bale ante ser ke Erdoganî verî zî pê qiseyanê xo cinîyî kerdbî hedef.
