Fermandarê Giştî yê Hêzên Sûriya Demokratîk (HSD) Mazlûm Ebdî, li ser hesabê xwe yê tiwîtterê bang li hêzên navdewletî kir û xwest qirkirinê rawestînin. Ebdî li ser hesabê twîtterê bang kir û wiha got: “Hêzên dagirkeriya tirk gorên şehîdan ku di dema êrişan de ji bo parastina Efrînê şehîd bûne, vedike, piştre rastiyan berovajî dike û ji raya giştî re wekî ku ‘goreke komî’ ye nîşan dide.”

Ebdî bang li civaka navneteweyî kir ku Tirkiye bide rawestandin û wiha nivîsî: “Em bang li civaka navneteweyî dikin ku yekser bikeve tevgerê, da ku vê qirkirinê rawestîne û Efrînê û şêniyên wê ji sûcên dermirovî biparêze.”