Startê şayîyanê Newroze ewro qezaya Depe ya Xarpêtî de do bêro dayene. Şayîye ra verî kadroyanê PKKyî yê serkêşan ra Mazlûm Dogan serê gorê xo de ame yadkerdene ke Doganî Newroza 1982yî de Zîndanê Amedî de bedenê xo dabî adirî ver.
Gorê Doganî deweka Seyîdanî ya dewa Gomanî ya qezaya Mazgêrdî ya Dêrsimî de yo. Hemserekê DBPyî Keskîn Bayindir, waka Doganî Serap Dogane û xeylêk kesî tewrê yadkerdişî bîyî.
Hemserekê DBPyî serê gorê Mazlûm Doganî de vat: “Newroze mîrasê şehîdanê Kurdistanî ya. Adiro ke embaz Mazlûm Doganî vistbî ta, ewro bîyo meşaleya azadîye. Ma do Newroza 2024î dîyarîya Abdullah Ocalanî bikerê. Ma do seba azadîya ey meydanan de bibê.”
Dima girseyî qeranfîlî nayî goranê Mazlûm û Delîl Doganî ser.
