Dewa Muxundî ya qezaya Mazgêrdî ya Dêrsimî de badê zîyaretê walîyî qereqolanê dormeyî ra ezan yeno wendene. Dewijî nayî sey polîtîkaya asîmîlasyonî hesibnenê û vera ci nêrazîbîyayîş ramojnenê

Dewa Muxundî ya qezaya Mazgêrdî ya Dêrsimî de badê zîyaretê walîyî qereqolanê dormeyî ra ezan yeno wendene.

Dersîmijêkî/a nêwaşt nameyê xo bido vera nayî hersê xo ard ziwan û vat: ”Dewijî nê caardişî nêwazenê. Ma elewî yê, pê bawerîya xo ameyî mîrazkerdene. Ma zîhnîyetê Yezîdî nêwazenê. Qet cayê ke Tirkîya de qereqolan ra ezan nîno wendene. Çend rojî verê cu Walîyê Dêrsimî ame û  badê nayî wendişê ezanî dest pêkerd. Roje de 5 rey ezanî danê wandene ke hedî hedî şarî bimusnê nayî. Goreyê înan ganî elewîyî nimaj bikerê.” DÊRSIM