Suleyman Sabrî Mavîyo (75) ke cezaya zîndanî ya 8 serran û 9 mengan dîyabî ci, dima ke hetê Mehkemeya Berze ra cezaya ci ameya tesdîqkerdene qezaya Geverî ya Colemêrgî de keyeyê xo de tepişîya. Mavî wextê destbendkerdişî de krîzê qelbî vîyart û wedarîya nêweşxaneyî. Dima ke nêweşxaneyî ra vejîya zî 12yê tebaxe de ame berdene bi Zîndanê Wanî.
Mavîyo ke nêvîneno û nêeşnaweno Nêweşxaneyê Dewlete yê Geverî ra raporê ‘se ra 96 astengdar o’ girewt. Seba ke organanê Mavîyî îflas kerdo o erd de dergkerde yo.
Avûkatê Mavîyî Medya Çalli seba taloqkerdişê înfazî û sewqkerdişê Dezgehê Tipê Edlîyî muracatê Serdozgerîya Komare ya Wanî kerd.
