Serokwezîrê berê yê Îtalyayê Massimo D’Alema ku di dema komploya navdewletî ya 1999an de serokwezîrê Îtalyayê bû, li ser banga ‘Civaka demokratîk û aştiyê’ ya Rêber Apo daxuyaniyek da. Massimo D’Alema ji Ajansa Nûçeyan a Îtalyayê (ANSA) re axivî û anî ziman ku banga dîrokî ya Rêber Apo gaveke erênî û bi wêrek e.
D’Alema destnîşan kir ku li pêşberî daxuyaniya Rêber Apo divê dewleta Tirk gavê biavêje û wiha got: “Ev pêşketineke erênî ye, peyameke bi wêrekî ye û hêvîdarim hikumeta Tirk û aliyê Erdogan wê ji bo bidawîkirina vî şerê giran û demdirêj weke rêyeke şênber binirxîne. Aliyê din dest ji têkoşîna çekdarî berdide, lewma divê mafên Kurdan bêne naskirin.”
Serokwezîrê berê yê Îtalyayê Massimo D’Alema ku Cotmeha 2024an ji televîzyona Medya Haberê re axivî, mikur hatibû ku Serokê DYAyê yê wê demê Bill Clinton li wî geriya bû û jê re gotibû, ‘Ocalan bidin Tirkiyeyê’.
