42 mamostayên olî yên rojhilatê Kurdistanê têkildarî erêkirina cezayê darvekirinê yê girtiya siyasî ya kurd Pexşan Ezîzî daxuyaniyek dan.
Di daxuyaniyê de wiha hat gotin: “Em wek 42 zana û mamostayên olî yên kurd ên li rojhilatê Kurdistanê daxwaz dikîn cezayê darvekirinê ku bi awayek nedadperwerane li Pexşan Ezîzî û Werîşe Muradî hatiye birîn, betal bikin.”
Di dewamê de hat gotin ku divê desthilata Îranê dawî li pêla binçavkirina welatiyan bîne, ger dawî li zextan neyê anîn wê gel û hikûmet hîn zêdetir ji hev dûr bikeve.
Di dawiyê de jî hat gotin ku ew li bendê ne aramiya derûnî ji bo gel bê peydakirin.
