Nuştox Dr. Mehemed Malmîsanij 8ê gulane de Amed de semînerêk dano.
Amed de 8ê gulane de bi tewrbîyayîşê nuştox, cigêrayox û akademîsyen Dr. Mehemed Malmîsanijî do derheqê persanê kirdkî (zazakî) de semînerêk bêro kerdene.
Semînero ke do Galerîa de, Odaya Hesabdaranê Serbestan û Mişawîranê Malîyan yê Dîyarbekîrî de bêro kerdene, do saete 14.00 de dest pêbikero.
Malmîsanij serran ra nata edebîyat, ziwan, kultur û tarîxê kurdan ser o xebitîyeno û heta nika xeylêk kitabî nê babetan de nuştî. Malmîsanij nika Unîversîteyê Artukluyî de Beşê Ziwan û Edebîyatê Kurdkî de dersan dano.
