Malbata Rêberê PKK’ê Abdullah Ocalan û malbatên Omer Hayrî Konar û Veysî Aktaş piştî ku li meclisê daxuyanî dan çapemeniyê serdana ÎHD, TÎHV û OHD’ê kirin. Di serdanê de Omer Ocalan anî ziman ku serlêdana ku çar saziyên mafên mirovan li Komîteya Wezîran a Konseya Ewropayê kirine, ji bo wan gelekî girîng e û wiha got: “Gel binpêkirinên mafên li girtîgeha Îmraliyê ji nêz ve dişopîne. Lê muxatab tune ye. Em malbat mafên xwe yên qanûnî dixwazin.”

Serokê TÎHV’ê Metîn Bakkalci jî diyar kir tu hinceta îzolasyona li Îmraliyê tune û got “Tu zextên dîsîplîıê li pêşiya hevdîtina bi malbatê divê nebe asteng. Divê ev problem were çareserkirin.”