Birayê Rêberê PKK’ê Abdullah Ocalan, Mehmet Ocalan û wasiyê wî Mazlûm Dînç bi daxwaza dîtina Ocalan serî li Serdozgeriya Komarê ya Bûrsayê û Midûriyeta Girtîgeha Îmraliyê dan.
Bi heman daxwazê birayê Omer Hayrî Konar Alî Konar, birayê Hamîlî Yildirim Polat Yildirim û xwişka Veysî Aktaş Melîhe Çetîn serî li saziyên pêwendîdar dan.
Hêjayî bibîrxistinê ye ku ji 25’ê Adara 2021’ê û vir ve bi ti awayî agahî ji Rêberê PKK’ê Abdullah Ocalan nayê wergirtin. Ji wê dîrokê de Abdullah Ocalan hevdîtin ne bi malbata xwe û ne jî bi parêzerên xwe re kiriye.
Ji aliyekî din ve ji bo balê bikîşin ser tecrîda li ser rêberê PKK’ê Abdullah Ocalan , çalakiya ji bo azadiya Abdullah Ocalan li gelek welatên Ewropayê ji alî ciwanên kurd û internasyonalîst ve bi meş û mitîngan tê lidarxistin.
