Nobeda Edaletê ya malbatên girtiyên nexweş û girtiyên cezayên wan qediyaye û nayên berdan di roja 101’emîn de berdewam kir. Malbatan li ber Edliyeya Amedê çalakiya xwe li dar xist. Nûnerên saziyên civakî ji tev li daxuyaniyê bûn. Polîsan xwestin beşdaran asteng bikin û gotin “beşdariya kesan asteng bikin.”

Di çalakiyê de rêveberên OHD’ê Yusuf Çakas diyar kir ku ew wekî hiqûqzanan li cem malbatan in û piştevaniya wan dikin. Çakas daxwazên malbatan rêz kir û got: “Daxwazên malbatan hiqûqî û însanî ne. Daxwaza daxwaza me ye jî. Em jî dixwazin ev hiqûq were sepandin. Di serdema nobeda edaletê de jî gelek cenaze ji girtîgehan derketin. Bangek girîng heye. Divê ev bang neyê piştguhkirin. Em bi malbatên xwe re ne.”

Xwişka girtî Hamdusena Ada, Reşehat Ada jî di çalakiyê de axivî û spasiya kesên piştevaniya wan dikin kir û ew naxwazin cenazeyên girtiyan ji girtîgehan derkeve û malbatên girtiyan ji rewşa wan bikar in.

Xwişka girtî Încî Guler jî xwest girtiyên nexweş werin berdan û got: “Em dixwazin qanûn werin sepandin. Em ê li her cihî daxwazên xwe bînin ziman. Em carek din bang li partiyên siyasî dikin ku guh bidin daxwazên me û bibin dengê me. Em dixwazin her kes çalakiya me bibîne. Em jiyanê diparêzin. Em dixwazin êdî bi zarokên xwe re bijîn.”

Xizma girtiyan Nuray Abay jî anî ziman ku 101 roj in çalakiyê li dar dixin û daxwazên malbatan wiha rêz kir: “ “Ya bila girtiyên me tedawî bikin an jî bila wan berdin em wan tedawî bikin.”

Dayika girtî Ciwan Boltan, Nazîme Boltan jî got: “Zarokên me li ber mirinê ne. Em dixwazin hiqûq were sepandin. Em ji bo zarokên xwe edaletê dixwazin.”

Çalakî bi berzkirina dirûşmeyan bi dawî bû.