Xizmên wekilê AKP’ê Îbrahim Halil Yildiz beriya hilbijartina 24’ê hezîranê di 14’ê hezîrana 2018’an de êrişî malbata Şenyaşar kiribûbûn. Di êrîşa bi çekan de bav Hacî Esvet û lawên wî Celal û Adil Şenyaşar li cihe kar û nexweşxaneya dewletê ya Pirsûsê li pêş çavê polîs, walî û qeymeqam kuştibûn.
Herî dawî 37 sal ceza li Fadil Şenyaşar hat birîn û li hemberî cezakirina malbatê bertek hatin nişandan. Ji malbatê dayik Emîne Şenyaşar û kurê wê Ferît Şenyaşar 27 roj in li ber avahiya Edliyeyê ya Rihayê çalakiya ‘edaletê’ li dar dixin.
Malbatê îro jî bi daxwaza edaletê çalakî lidarxistin û bi rêya medyaya civakî bang li Wezîrê Dadê Abdulhamît Gul kirin ku dengê wan bibihîze û têkildarî mijarê tiştekî bibêje. Emîne û Ferît Şenyaşar gelek caran hatin binçavkirin lê dîsa jî dev ji çalakiya xwe bernadin.
RIHA
