Ji Malbata Şenyaşar Emîne Şenyaşar û lawê xwe Ferîd Şenyaşar ên 3 ferdên malbata wan di êrişa xizm û parazvanên Parlamenterê AKP’ê yê Rihayê Îbrahîm Halîl Yildiz de hatin kuştin, 221 roj in li ber Edliyeya Rihayê çalakiya Nobeta Edaletê berdewam dikin. Malbat dîsa ji mala xwe ya li navçeya Pirsûsê derketin û hatin li ber Edliyeya Rihayê dest bi çalakiya xwe kirin. Emîne û Ferîd Şenyaşar dîsa dowîza “Em tenê edaletê diwazin” hilgirtin. Malbatê naveroka dosyeya dozê û serpêhatiyên xwe bi kesên ku diçin edliyê re parve dikin. Malbatê li ser hesabê xwe yê medya dîjîtal peyam da û got: “Roja heq û edaletê wê ji nû ve di asoyên Rihayê de bihile! “
