Torra Têkoşînê Vera Şîdetî ya Amedî bala weçînayîşê 28ê Gulane ante û eşkerayîyêka winayêne kerde: “Ma do bi heman qerardarî û bawerî 28ê gulane de rejîmê tekcamêrdî û kanwazî bin bivisnê.”

Eşkerayîye de ame parekerdene ke seserra diyine ya komare bi hişmendîyêka tekpereste, redkerde û seksîste yena awankerdene. Eşkerayîye de wina ame vatene: “Îqtîdarê AKP-MHPyî yo ke dişmenê cinî û kurdan o weçînayîşanê 14ê gulane de amebî vindarnayene. Ma do bi heman qerardarî û bawerî 28ê gulane de rejîmê tekcamêrdî û kanwazî bin bivisnê. 

Îtîfaqê AKP-MHP-HUDA PAR-Yeniden Refahî armanc keno ke her ca de şîdetê vera cinîyan bizêdîno. Geşkerdişê têkoşînî rayîrê komelê têdûştî, cuyêka edîle û riknayîşê rejîmê tekcamêrdî yo. Bi na wesîle ma venga pêro cinîyan, rêxistinanê cinîyan, ciwanan, raya demokratîke û pêro muxalîfan da ke 28ê gulane de rejîmê tekcamêrdî bin bivisnê û têkoşînî geş bikerê.”