8ê Adare Roja Cinîyan a Dinya zê her serre emserr zî yêna pîrozkerdene. Sereka Komelaya Rosa ya Cinîyan Suzan Îşbîlene diyar kerd ke, 8ê adare yew roja mîyannetewî ya pêvajoya tarîxî de vera şîdetî ra û zordarî ra her serre têkoşîne serkewtişî yena pîrozkerdiş. Suzan wîna dewam kerd: “Cenîyê kurd hem vera şîdetî hem zî vera zîhnîyetê netewî, hem zî vera şîdetê rewşa cînsî ra binê şîdetê hîrêyîne de rê”
Vera qirkerdişê cenîyan ra rayîrşayîş kenê
Nê wesîleyî ra zî Têgêrayîşê Cinîyê Kurd 8ê adare pîrozkerdişê yew roje nîyo û plansazîya yew hewtî yo. Serra 2025 de roja 8ê adare cînîyanê kedkaran mîyanê yew hewtî de pîrozkerdişê çalakîyan, şahîyan û sewbîna tewr ameyî pîlansazî kerdiş. Çerçeweyê nê planlama de sazîyê cinîyan û rêxistinê Bajarî û Navçeyan bi rewşa esasîya xora sewbîna tewr plansazîyê pîrozkerdişê çalakîyan benê. Suzan İşbîlen wîna dewam kerd: “Bi şîarê qirkerdişê cenîyan ra rewşa serewedartişê, rayîşîyayîşê azadî ra roja 8ê Adare de rewşa girseyî ra qada îstasîyonî de pîroz kenê û têkilîya têkoşîna cenîyan û perspektîfê azadîya ‘jin jîyana azadî’ ra rayîrşîyayîş kenê.”
8ê Adare sey mîladê serewedaritişî cinîyano
Suzan Îşbîlene proseso nêwe yo ke Rayberê Şarê Kurd Abdullah Ocalanî dest pê kerdo derheqê eyî de zî wîna vat. “Ma heme kes zanê ke, yew pêvajoyê newî destpê kerd û destpêkerdişê nê pêvajoyî zî zaf muhîm o. Ma zî zaf kelecanî û hêvîya ma esta ravêrayîşê komelkîya azadî û demokrasî birayîye awan bibo. Nê çewreş serrî yo ke, Têgêrayîşê têkoşîna azadî domîyena û bi serrano ke mayan nê têkoşînî de gedeyê xo vînî kerdî û îstirê çiman rişnayî. Bawerîya ma esta ke, pêvajoya newî de endî mayî îstirê çiman nêrişnê û heme dejî biqedîyê raya azadî û demokrasi awan bibo. No sebeb ra zî, ma cenî seba ke têkoşîna azadî û demokrasi awan bibo û ma hînê rêxistina xo berz kenê. Cinîyî seba azadîya xo her hêl ra cuye de be.
Komelî û rêxistinîya xo awan bikerê
Armancê Aştîye û Komelê Demokratîkî îdealê cuya azade û rinde, pîlkerdişê xeyalê pêro cinîyan, mayan û ciwanan o. Ma venga pêro cinî û têgêrayîşanê cinîyan danê ke paştî bidê nê prosesî. Yewîya têkoşînê cinîyan do şer û tradîsyonê şîdetî yê serdestîya camêrdan birijnê û seserra 21. bikero seserra azadîya cinîyan.” Suzan Îşbîlene vatena xo wina qedênê “8ê Adarî de bi dinya de rojê pîrozkerdişê kedkareya cenîyana ra yew firseto ke, komelîya rêxistinîya xo awan bikerê û wayîrvejîyayîşê îradeyê têkoşîna demokratîkî ra dewam kenê. Cinîyî vera bindestîya bi hezaran serran 8ê Adare sey mîladê serewedaritişî vînenê. Ma 8ê Adare de bi şîarê ‘Jin, Jiyan, Azadî’ waran de bê.
