Rêxistinê cinîyan ê mîyanneteweyî çarçewa bernameyê ‘jin, jiyan, azadî’ de London de ameyî têhet û bale ante serewedaritişê cinîyanê Îran û Rojhelatê Kurdistanî ser.
Rêxistina Zerdeşte ya Dinya, Têgêrayîşê Cinîyan ê Kurdan, Têgêrayîşê Cinîyan ê Îranî û Têgêrayîşê Paştdayîşê Mîyanneteweyî bi şîarê ‘jin, jiyan, azadî’ London de bernameyêk viraşt. Bername de ame armanckerdene ke paştî bêra dayene serewedaritişê cinîyanê Îran û Rojhelatê Kurdistanî.
Xeylêk cinîyê aktîvîst, nuştox û sîyasetmedarî tewrê bernameyî bîyî. Bername de ame parekerdene ke serewedaritişê cinîyan ê Îran û Rojhelatê Kurdistanî tesîrê pêro cinîyan ê dinya keno û sloganê ‘jin, jiyan, azadî’ bîyo sembolê azadî û serewedaritişî. Bername de ame waştene ke wa pêro merdimî paştî bidê cinîyan ê Îran û rojhelatî û verê qirkerdişanê rejîmê Îranî bêro girewtene.
Bername de hunermendî Tara Jaff, Sûna Alane, Fra Rustomjî û Farî Bradleye vejîyayî sehne ser û dima cinîyan pîya govende girewte.
