Îsraîlê piştî agirbesta ji 2 mehan, li Xezayê ji nû ve dest bi êrîşan kir. Dan û standinên ji bo dirêjkirina agirbestê jî bê encam mane.
Piştî xerabûna agirbestê êrîş û operasyonên artêşa Îsraîlê zêde bûn.
Berdevkê Parastina Sivîl a Filistînê Mahmûd Bassal ji AFPê re axivî û anî ziman ku ji sibeha Yekşemê ve di êrîşên Îsraîlê de herî kêm 44 kes hatine kuştin.
Bassal anî ziman ku êrîşek li taxa El Tuffahê ya Xezayê hatiye kirin û diyar kir ku dema komeke mirovan li nêzî firinekê li hev kom bûbû, êrîş hat kirin û 6 filistînî hatin kuştin. Li gorî agahiyan kuştiyek jî zarokekî 3 salî ye.
Di daxuyaniya Hemasê de jî, li xaka Filistînê ku 18 meh e ji aliyê Îsraîlê ve hatiye dorpêçkirin û kuştina zarokan a bi zanebûn hat şermezarkirin.
