Li Tirkiyeyê bi dehan salane çawa ku gelên qedîm tune tên hesibandin mal û milkên wan, dÎrok û çanda wan jî bi polÎtikayên dewletê tên tunekirin.Heta niha bi hezaran dêr, manastir, mezel û gelek bermahiyên dîrokî carinan wek axûr hatin şixûlandin, hatin tehrîbkirin, şikandin an jî dewletê dewrî ser malên Dîyanetê kirin û carinan jî wek malên xwe yên tapokirî firotin.
Li Mêrdînê bi boneya çêkirina otoparkê li derdora Manastira Mor Efrem a gêridayî Dêra Katolîk a Sûryaniyan, dest bi xebatên kolanê hat kirin. Manastira Mor Efrem bi xetereya hilweşinê re rû bi rû ma. Hat gotin ku ger xebatên kolanê li Manastirê bidomin dê di demek kurt de hilweşe.
