Îro di danê sibehê de otobûseke rêwiyan a Fîrmaya Cîzre Nûh, li nêzî Tabûra Besta Xabûr a di navbera bajarokê Gundikêmelê û bajarokê Sêgirka girêdayî Qilebana Şirnexê de qeza kir û wergeriya. Piştî agahdarkirinê, tîmên 112’ê û leşker li cihê bûyerê hatin sewqkirin. Li gorî agahiyan, di qezayê de 2 welatiyên ku hêj navên wan nehatin zelalkirin jiyana xwe ji dest da û gelek welatî jî birîndar bûn.
Cenazeyên kesên jiyana xwe ji dest dane û welatiyên birîndar li Nexweşxaneya Dewletê ya Şirnexê hatin veguhestin.
Piştî qezayê, li cihê bûyerê lêkolîn hate destpêkirin.
