Li bajarê Qamişlo ji bo azadiya Rêberê Gelê Kurd Abdullah Ocalan û ji bo piştevaniya bi Partiya Çepên Kesk re mîtîngek hat lidarxistin.
Şêniyên herêma Cizîrê gihiştin qada çalakiya mîtînga ji bo azadiya fîzîkî ya Rêberê Gelê Kurd Abdullah Ocalan û piştgiriya Partiya Çepên Kesk a ku wê li Tirkiyeyê têkeve hilbijartinê.Li qada Yarîgeha Şehîdên 12′ê Adarê ya Qamişloyê beşdariyeke girseyî ya şêniyên herêma Cizîrê heye. Şêniyan wêneyên Rêberê PKK’ê Abdullah Ocalan û alên Partiya Çepên Kesk hildan.
Di çalakiyê de li ser navê pêkhateyên Kurd û Ereb Hevseroka Partiya Yekitiya Demokratîk (PYD) Asya Ebdullah û Hevserokê Meclisa Rêveber a Rêveberiya Xweseriya Demokratîk a Herêma Cizîrê Hikmet Hebîb axivîn.
Tê payîn çalakî bi stranên Koma Cûdî, hunermend Danîş Botan û Sumeye Mihemed bi dawî bibe
