Partiya Wekhevî û Demokrasiyê ya Gelan (DEM Partî) di çarçoveya peyamên Rêberê PKKê Abdullah Ocalan ên di hevdîtinên dawî de, “Çalakiyên Aştiya Civakî û Azadiyê” li dar xist. Di çarçoveya xebatê de li Qada Esenyurtê ya Stenbolê bi dirûşma “ji bo azadiyê ked, edalet û aştî” mitîng li dar xist. Bi hesaran Kurd, demokrat, sosyalîst û çepgir beşdarî mitîngê bûn.
Li qada mitîngê pankarta “Ji bo azadiyê ked, edalet û aştî” hat daliqandin. Hevberdevka Kongreya Demokratîk a Gelan (HDK) Meral Daniş Beştaş û Hevseroka Giştî ya DEM Partiyê Tulay Hatîmogûllari di mitîngê de axivîn û bal kişandin ser rola Rêberê PKKê Abdullah Ocalan a ji bo çareseriyê.
