Koma Lêkolînkirina Enflasyonê (ENAG) ragihand ku Endeksa Bihayê Mezêxeran (E-TUFE) di meha îlonê de ji sedî 5,30 , li gorî salê jî ji sedî 186,27 zêde bûye. ENAG’ê aşkere kir ku TUFE ji serê salê ve ji sedî 101,63 zêde bûye.
Li gorî daneyên ENAG’ê, di nava 12 komên mezaxtinê yên hatin nirxandin de di veguhastinê de bi tenê enflasyona mehane kêm bûye. Lêçûna veguhastinê di meha dawî de ji sedî 1,60 kêm bûye. Zêdebûna mehane ya herî bilind bi rêjeya ji sedî 26,05 di kategoriya tenduristiyê de bûye. Buhayê xaniyan ji sedî 8,57 zêde bûye û kinc û pêlav jî ji sedî 7,79 zêde bûne.
Daneyên TUÎK’ê
Li gorî daneyên Saziya Îstatîstîkan a Tirkiyeyê (TUÎK) ku rêjeya enflasyonê ya meha îlonê ragihand, enflasyon mehane ji sedî 3,08 û salane jî ji sedî 83,45zêde bûye.
