Endamên Meclisa Dayikên Aştiyê ya Êlihê xwestin ji bo êrîşa ku li hemberî Rêxistina Bajêr ya HDP’ê ya Îzmirê daxuyaniyekê bidin. Dayikan li pêş Kargeha Nasiroglu ya Êlihê civiyan û xwestin ku daxuyaniya xwe belav bikin. Lê polîsan kom dorpêç kir û nehişt ku kom daxuyaniyê bide  û mudaxeleyî komê kir. Di mudaxeleyê de polîsan li parlamenterên HDP’ê Mehmet Rustu Tiryakî û Nejdet Îpekyûz xistin. Hevşaredarên Êlihê Mehmet Demîr û Songul Korkmaz ku qeyûm li şûna wan hatibûn tayînkirin û Berdevkê TJA yê Êlihê Gulistan Sonuk, Hevserokê HDP’ê yê bajêr Fatma Ablay û gelek kesên din jî ji aliyê polîsan ve hatin kişkişandin û binçavkirin. Gelek polîsan Demîr li erdê dirêj kirin û ew bin çav kirin. Parlamenter Tîryakî jî ji aliyê sê heb polîsan ve bi zorê hat binçavkirin.