Li gorî agahiyên ku çavkaniyên xwecih dane ajansa ANHA’yê, li bajarê Efrînê xwepêşandanek hat lidarxistin. Çavkaniyan diyar kir ku xwepêşandêran daxwaza serbestberdana kesên ji aliyê MÎT’ê û komên paramîlîter ên girêdayî wê ve hatine revandin, kir û sûcên çeteyan û artêşa tirk şermezar kirin.
Çavkaniyan diyar kir ku “Polîsên Leşkerî” li Kolana Vêlat a naverasta bajarê Efrînê bi daran û gazên rondikrêj êrişî xwepêşandêran kir û bi dehan kes birîndar kirin.
Rêxistina Mafên Mirovan a Efrîn û Sûriyeyê ragihand ku çeteyan piştî xwepêşandêr ji hev belav kirin, li benda kontrolê ya Kefer Cenê 18 xwepêşandêr revandin.
