Dewleta Tirk û komên girêdayî wê ku ev 5 sal e Efrîn dagir kirine, pêkanînên wan ên dij mirovî yên li beramberî jin û zarokan her roja ku diçe zêde dibin. Herî dawî li gor agahiyên ku hatine bi dest xistin hat zanîn ku serçeteyê komên girêdayî dewleta Tirk Ehmed Memdûh tecavuzê zarokek keç a 10 salî kiriye. Hat zanîn ku ev buyer bûye sedema hirsek mezin a gel û serçete reviyaye gundê Kora yê girêdayî navçeya Cindirêsê.

SOHR’ê der barê mijarê de daxuyanî da

Navenda Çavdêriya Mafên Mirovan a Sûriyê (SOHR) der barê mijarê de daxuyanî da û got: “Serçeteyê bi navê Ahmed Mamdouh yê çeteyên El- Amshat ê girêdayî dewleta Tirk a dagirker, li navçeya Shih ya Efrinê êrîşa tecavuzê hemberî zarokek keç a 10 salî pêk aniye. Ev çete piştî ku sûc kir reviya gundê Kora yê girêdayî navçeya Cinderêsê. Ev bûyer ne bûyera yekem e li Efrîna di bin dagirkeriya dewleta Tirk û çeteyên wê de li beramberî jin û zarokan tê pêkanîn. Êrîşên zayendî, komkujiyên beramberî gel, revandina mirovan ketiye rewşa ku her tim were jiyankirin. Li Efrîna ku ev 5 sal e hatiye dagirkirin pêkanînên dij mirovî berdewam dike.”